اذا ما بتنجلط خود شو ما بدك .....

التلفون يرن ...

الطفلة : الوووو

الامراة : الووو مرحبا

الطفلة : اهلين

الامراة : وين الوالدة ؟

الطفلة : ما في عنا وحدة والدة

الامراة :لا لا عيب ... لا سمح الله الله يخليلكم ياها

الطفلة : شو لا سمح الله ما لا سمح الله.... عم ائلك ما في عنا والدة

الامراة : اديش عمرك يا شاطرة؟؟

الطفلة : شلون عرفتي اني شاطرة

الامراة : تضحك وتقول .. مبين عليك خفيفة دم

الطفلة : انتي الي خفيفة دم... لا تئولي عني هيك

الامراة : مبين عليك صغيرة؟

الطفلة : انا اطول منك

الامراة : طيب يلا اعطيني ماما

الطفلة : ليش امك عندنا؟؟

الامراة : خلص نادي امك

الطفلة :أمي ما عندا نادي

الامراة : الله يصبرني

الطفلة : يصبرك مع شوك ولا بدون شوك؟

الامراة : تصرخ " عطيني حدا كبيرررر"

الطفلة : كبير , بالحجم ولا بالطول ولا بالعمر

الامراة :عطيني حدا برميل خليني احكي معو

الطفلة : استغفر الله العظيم بدك تحكي مع برميل.. بس لبرميل جماد

الامراة : هلأ عطيني حدا...عطيني حدا كبيررررر

الطفلة :لا تجي لعنا لان رفئاتي عندي لما بيروحو تعالي

الامراة : طيب بس وئت لح شوفيك بدي ساوي منك بطاطا

الطفلة : بطاطا مسلوقة ولا مشوية بالفرن؟

الامراة : احسلك سكتي لانك زعلتيني

الطفله : مين الي زعل تيني وليش التين اصلا بيزعل؟

الامراة :خلص زوتيها زيادة ,رجعتي

الطفله : وين... رجعتي لبيتك؟

الامراة :راجعة لبيتك ...مستأنسه

الطفلة : بصراحة مالي مستأنسه.. في شي مزعلني

الامراة : خليه مزعلك بلكي بتنفجري متل لبالون

الطفلة :شو لون البالون الي بنفجر متلو؟؟؟؟؟

الامراة : تصرخ بأعلى صوتها.. " وين الوالــــــدة ؟؟؟ "

فتاخذ الام التلفون من الطفلة

وتقول الووووو.. مين معي

الامراة : ولي علينا .. شو هالبنت هي طلعتلي قرون براسي

الام : قرن شو , قرن الغزال ولا قرن موز

الامراة : متل عاتك رايئة وبتحبي تمزحي .. لا طلعتلي قرن تور

الام : شو حجمو التور؟

الامراة تغلق السماعة.. وتذهب الى بيت صديقتها.. ترن الجرس

فتقول الام للطفلة :أومي شوفي مين على الباب

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول ما في حدا على الباب في وحدة وراه

فتقول الام : خلص خليها ترن على الجرس اد ما بدها

الطفلة : اي جرس؟ جرس المدرسة؟؟؟

الام : لا جرس البيت

الطفلة : جرس بيتنا هاج ولا البيت الجديد الي عم نعمرو

الام : لا جرس بيت الجيران

الطفلة : ليش في عند الجيران جرس وحول واركب على الفرس

وعلى هالموال ..... ليل نهار

تصور حالك بدال هل لمسكينة شو لح يصير فيك

هههههههههههههههههههه
هههههههههههههههههههههه

والله الصراحة انا بحب هيك موقف مع اني ما بعصب بس وربي
انجلطت منا هههههههههههههههههه

مرسيييييييييي الك ياغالي

انا هلأ مجلوط منها ههههههههههههههههههههههههههه

مشكورة لمرورك

تحياتي

هههههههههههههههههههههههههه

وليييييييي عليها...بترفع الضغط...لو كنت مكان الام كنت حطيت لزيقة على تم البنت...او خيطتو بيكون أحسن...

يسلمو ديمون على رفعة الضغط..

ولله لو كنت انا بدال المرا لكنت صفيت على جنب ونجلتط ولي على هل لبنت شو جلطة الله يعين رفئاتها وكل مين بيعرفها

مشكورين على ردودكم

تحياتي

ولييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييي هي ولوولة شاغورية شو هل بنت بتجلط وبس لك انا وعم اقرا وحسيت حالي توتر عالي الله لا يجمعنا مع حدا من هيك مع اني مزاحنة درجة اولى انا بس ما بقدر حدا يزاحني بفجروا فورا
تقبل مروري

ولي ازا هلا وبدون ما اتخيل انحرقت اعصابي كيف لو اتخيل